- सुन चाँदी दर
- विनिमय दर
- नेपाली पात्रो
- राशिफल
काठमाडौं । विश्वकप फुटबलमा अनपेक्षित नतिजा भोग्न वाध्य भएपछि पाका खेलाडीहरुले धमाधम अन्तर्राष्ट्रिय फुटबलबाट सन्यास लिन थालेका छन् । त्यो समूहमा स्पेनिस खेलाडी आन्द्रेस इनिष्टा पनि परेका छन् ।
विश्वकप फुटबल अन्तर्गत प्रिक्वार्टरफाइनलमा कमजोर मानिएको रुससंग पेनाल्टी सुटआउटमा पराजित भए पनि इनिष्टाले सन्यास लिएका हुन् । उनले पेनाल्टीमा पहिलो गोल गरेका थिए ।
३४ वर्षीय मिडफिल्डर इनिष्टा स्पेनी फुटबलको पिलर मानिन्छन् । स्पेनले सन् २०१० को विश्वकप उपाधि उचाल्दा उनी प्रमुख खेलाडी थिए । उनले स्पेनको जर्सीमा १ सय ३० खेल खेलेका थिए ।
१३ अन्तर्राष्ट्रिय गोलसमेत गरेका इनिष्टाले दुई पटक टिमलाई युरोपकप पनि जिताएका थिए ।
उनले सन् २०१० को विश्वकपको फाइनलमा पनि नेदरल्याण्डविरुद्ध गोल गरेका थिए ।