- सुन चाँदी दर
- विनिमय दर
- नेपाली पात्रो
- राशिफल
काठमाडौं । विश्वकप फुटबल सुरु हुनुअघिका तीन हिरो सबैको मुखमा झुण्डेका थिए । तीन हुन् लिओनल मेस्सी, क्रिष्टियानो रोनाल्डो र नेयमार ।
अर्जेन्टिना र पोर्चुगल विश्वकपको प्रिक्वार्टरफाइनलबाटै बाहिरिएका छन् । योसंगै मेस्सी र रोनाल्डो बाहिरिए । अब नेयमार बाँकी छन् ।
ब्राजिलले सोमबार खेल्दै गर्दा नेयमारको के हुन्छ भन्ने चासो सर्वत्र छ । तर नेयमार भने रोनाल्डो र मेस्सीभन्दा कुल देखिएका छन् ।
फ्रेन्च क्लव पीएसजीबाट प्रोफेसनल खेल खेल्दै आएका यी स्टारले सोमबार मेक्सिकोसंग खेल्नुपूर्व आफ्नो हेयर स्टाइल मिलाएका छन् ।
कपाललाई ट्रिम गरेका नेयमारले समूह चरणमा खासै राम्रो प्रदर्शन गर्न सकेका थिएनन् । अब राउन्ड अफ सिक्सटिनमा ब्राजिलले राम्रो खेलेन भने उसको पनि पालो घर जाने नै हुनेछ ।
पाँच पटकको विश्वकप विजेता ब्राजिल सबैभन्दा सफल टिम हो । तर ब्राजिलले पछिल्ला तीन संस्करणमा राम्रो खेल्न सकेको छैन । सन् २००२ को विश्वकप जितेपछि ब्राजिल सुस्ताएको छ ।
यस्तोमा चर्चित फुटबलर नेयमारले के गर्लान् भन्ने चासो सर्वत्र छ । ब्राजिल पनि विश्वकपबाट आउट भयो भने खेलाडीको फ्यान भएर विश्वकप हेर्नेहरु घट्ने छन् भने टिमको समर्थकमात्र रहने विश्लेषण गर्न थालिएको छ ।
गत फेबु्रअरी २५ मा घाइते भएपछि मैदानमा नउत्रिएका नेयमार एकैपटक विश्वकपमा देखिएका हुन् ।