- सुन चाँदी दर
- विनिमय दर
- नेपाली पात्रो
- राशिफल
काठमाडौं । विश्वकप फुटबल हेर्न रुस पुगेका नेपाली फुटबलप्रेमीले नेपाली झण्डा फहराउँदै फुटबल हेरेका छन् । विश्वकप फुटबल हेर्न रुस पुगेका अखिल नेपाल फुट संघ (एन्फा) का उपाध्यक्ष पंकज नेम्वाङ सहितको टोलीले रङ्गशाला भित्रै नेपाली झण्डा फहराएर फुटबल हेरेका हुन् । टोलीमा उपाध्यक्ष नेम्वाङ, दीपक गौतम, टङ्क गजुरेल र विप्लव कोइराला लगायत तीन दर्जन बढी नेपालीहरुको सहभागिता रहेको थियो ।
टोलीले रुस र स्पेनबीच भएको प्रि–क्वाटर फाइनल खेल रङ्गशाला भित्रै नेपाली झण्डासहित मादल बजाएर रमाइलो गर्दै हेरेको थियो । टोलीमा सहभागीहरुले रुसमा जारी विश्वकपमा रुस र स्पेनबीच भएको प्रि–क्वाटर फाइनल खेल नेपालको मौलिक बाजा सहित हेरिएको भन्दै खुसी व्यक्त गरे ।
उनीहरुले रङ्गशाला भित्रै नेपाली झण्डासहित मादल बजाएर नेपालीहरु फुटबलका गतिला फ्यान भएको सन्देश दिएका छन् । त्यस्तै मौलिक बाजा मादलको प्रचार प्रसार गर्दै नेपालको मौलिक बाजालाई विश्वसामु चिनाउने प्रयास समेत गरिएको टोलीले बताएको छ ।
आगामी विश्वकपहरुमा नेपाललाई पनि सहभागी भएको देख्न पाउने र नेपाली टोलीको समर्थन सहित हौसला दिन पाउने आशा उक्त टोलीको रहको छ ।