विश्वकपमा बाजी खेलाउनेहरुलाई प्रहरीले पक्रिन थाल्यो
प्रकाशित २०७५ असार १९ मंगलबार
289
Shares
काठमाडौं । रुसमा जारी विश्वकप फुटबल प्रतियोगिताका सन्दर्भमा विभिन्न टीमको हार तथा जितमा सट्टेबाजी खेलाउने व्यक्तिहरु प्रहरीले पक्राउ गरेको छ ।
काठमाडौंको बज्र होटेलमा फलानो टीमको हार वा जित हुने भन्दै सट्टाबाजी विभिन्न व्यक्तिहरुबाट नगद लाभ लिने तथा दिने (सट्टाबाजी) खेलाउने तीन जनालाई प्रहरीले पक्राउ गरेको हो ।
काठमाडौंको बज्र होटेलबाट पक्राउ पर्नेमा बालाजु घर भएका २२ वर्षीय प्रकट महर्जन, रामघाट बस्दै आएका २२ वर्षीय रेजिन महर्जन र चागल बस्दै आएका २५ वर्षका सुजेन शाही रहेका छन् ।
उनीहरुलाई अनुसन्धानको लागि हिरासतमा राखिएको र थप अनुसन्धान भइरहेको महानगरिय प्रहरी परिसर काठमाडौंका प्रवक्ता प्रहरी नायव उपरिक्षक कुमार थापाले जानकारी दिए ।
उनीहरुको साथबाट नगद ६ लाख ९९ हजार रुपैयाँ सहित ४ थान मोबाइल बरामद गरिएको थापाले जानकारी दिए ।
साना तथा ठुला सट्टेबाजीले खेलाउने बिभिन्न ग्रुपहरु सकृय भएको सूचनामा प्रहरीले खोजी जारी राखेको बताएको छ । ब्यापारी घरना तथा बिभिन्न समूहहरुले पनि खेलाइरहेको सूचना वाहिर आएपछि प्रहरी सकृय भएको बताइएको छ ।
