मेस्सी राम्रो कि रोनाल्डो भन्नेमा विवाद, पतिले छाडे पत्नी र घर
प्रकाशित २०७५ असार २१ बिहिबार
216
Shares
काठमाडौं । अर्जेन्टाइन फुटबल स्टार लियोनल मेस्सी राम्रो कि पोर्चुगिच स्टार क्रिष्टियानो रोनाल्डो भन्नेमा विवाद भएपछि एक जोडीबीच सम्बन्ध विच्छेद भएको छ ।
यो घटना रुसकै एक परिवारको हो । जुन २६ तारिखको घटनामा जब विश्वकप फुटबलमा अर्जेन्टिनाले नाइजेरियालाई २–१ ले हरायो तब आर्सेनले खुसी मनाउन थाले ।
तर उनकी पत्नी ल्युडमिलाले रोनाल्डो मेस्सीभन्दा राम्रो रहेको बताएर उनलाई चिढाउन थालिन् ।
रिसले चुर भएको आर्सेनले घरमात्र छाडेनन् अर्को दिन बिहानै ल्युडमिलालाई सम्बन्ध विच्छेदको पत्र नै पठाए ।
रुसी अखबारका अनुसार आर्सेन र ल्युडमियाबीच सन् २००२ को विश्वकपका समयमा प्रेम परेको थियो ।
आर्सेनले ‘आर्गुमेतो आई फाक्ति’ पत्रिकालाई अन्तर्वार्ता दिँदै विश्वकपकै बेलामा दुवैबीच भेट भएको र त्यहीं प्रेम बसेको बताए । त्यसपछि उनीहरुको विवाह भएको थियो ।
अहिले भएको तनावबारे आर्सेनले आइसल्याण्डविरुद्धको खेलमा पनि मेस्सीले पेनाल्टीलाई गोलमा परिणत गर्न नसकेपछि उनकी पत्नीले गिज्याइरहेकी थिइन् ।
लगातार मेस्सीको आलोचना सहन नसकेपछि आर्सेनले घर र पत्नी नै छाडेका हुन् ।
