arrow

सबैभन्दा फोहोरी नेपालको प्रहरी !

logo
यमुना भण्डारी,
प्रकाशित २०७५ असार २७ बुधबार
police3.jpg

काठमाडौं । राजधानी भनिन्छ काठमाडौंलाई । त्यतिमात्रै होईन अब त केही समयपछि स्मार्ट सिटी भन्नुपर्ला। अनि स्मार्टसिटी हुन के–के आधार चाहिने हो, त्यो स्थानीय सरकार अथवा महानगरलाई थाहा होला । 

मुलुक संघीय संरचनाको व्यवहारिक कार्यान्वयनमा अझै प्रवेश गरिसकेको छैन । संरचनाहरु मात्रै खडा भएका छन् । केही समय तिनको व्यवस्थापनमै लाग्ने छ । कहिले बन्ला स्मार्ट सिटी, मान्छेहरुलाई हतारो भईसक्यो । तर, सरकारी निकायहरु झन भन्दा झन लथालिङ्ग बन्दै गएका छन् । 

काठमाडौं अस्तव्यस्त छ, भन्ने कुरा अब काठमाडौँमा बस्नेलाई मात्र होईन दुनियालाई थाहा छ। सञ्चारमाध्यमको बढ्दो विकास र सामाजिक सञ्जालको बढ्दो प्रयोगले अब काठमाडौँमा हुने सानासाना कुराहरु दुनियाभर फैलिन्छन् ।

पहिले जो काठमाडौँ आउँथ्यो उसैलाई मात्र थाहा हुन्थ्यो । केही समय अघि मात्रै गण्डकी प्रदेशको प्रदेशसभामा पोखराबारे चर्चा भएन, बरु गण्डकी प्रदेशको राजधानी पोखरा काठमाडौँ जस्तो अस्तव्यस्त र लथालिङ्ग नहोस् भन्ने कामना गरियो । 

अधिकांश सांसदले त काठमाडौजस्तो हुने हो भने, पोखरालाई राजधानी घोषणा गरेर नविगारौँ समेत भने । तर, काठमाडौँमा बस्ने नीति निर्माता तथा कार्यान्वयन गर्ने निकायका जिम्मेवार व्यक्तिहरुले खासै चासोका साथ लिएनन् । 

स्थानीय तहको निर्वाचन भएको एक वर्ष वितिसक्यो । तीन चौथाईको स्थिर सरकार बनेको पनि पाँच महिना कट्नै लाग्यो । तर, अहिलेसम्म व्यवस्थापनमा खासै प्रगति भएन।नागरिकले धूलो, धुँवा र हिलो, मैलो सहनु सामान्य भईसक्यो । त्यो के नौलो विषय भयो र ? प्रधानमन्त्रीले नै १० वर्षअघिको धूलो, हिलो मैलो हो, भ्वाँङपनि पूरानै हुन् भनिदिए। काठमाडौं महानगरका मेयरसाबलाई त काठमाडौँ महानगरभित्र कति घर बने भन्ने तथ्याङ्क समेत थाहा रहेनछ । पत्रपत्रिका, रेडियो, टेलिभिजनसँग निकटनै छैन भन्छन्, उनी। सूचना पनि उनले साथीभाइबाट थाहा पाउँछन् । 

चुनाव जितेपछि सामाजिक सञ्जाल प्रयोग गर्न पनि छोडिएको, सुनाउँछन् उनी । तर, उनको स्मार्ट सिटी र मोनो रेलको योजना जस्ताको त्यस्तै छ । न अघि बढेको छ, न पछि । महानगरको फोहर व्यवस्थापनसम्म राम्ररी गर्न सकेका छैनन्, उनले । 

बेवारिस मोटरसाईकलको संग्रहालय बन्दै ट्राफिक महाशाखा : मालिक कुर्दै ६८४ माेसा (नालीवेलीसहित)

सबै भन्दा फोहोरी प्रहरी !
महानगरीय ट्राफिक प्रहरी महाशाखा रामशाहपथमा २०७० सालदेखि बेवारिसे मोटरसाईकल थुप्रिएको छ । ट्राफिक कार्वाहीमा पर्ने दैनिक दर्जनौं मोटरसाईकल र साना गाडी पनि त्यहीँ ओसारिन्छ । मशाहाखाको आँगन र करेसो, बेवारिसे र नियम उल्लंघन गर्ने सवारीले भरिभराउ छ । यतिसम्म कि महाशाखा वेवारिसे मोटरसाइकलको संग्रालय हो कि जस्तो । 

यस्तै, उहिल्यै देखिको पुरानो प्रहरी चौकी रहेको कमल पोखरीमा पनि उस्तै छ, अवस्था । साह्रै अस्तव्यस्त । मोटरसाईलमात्र होईन अन्य सामानहरु पनि लथालिङ्ग छोडिएका छन् । महानगरीय प्रहरीविट गौशालाको हालत पनि कम छैन । यस्तै, तीनकुनेमा रहेको बानेश्वरविटमा पनि दिक्कै लाग्दो अवस्था छ। जहाँ जहाँ प्रहरीले मोटरसाईकल लगायत सवारीहरु थन्क्याउने गरेको छ, त्यहाँको हालत लगभग एउटै छ । एक ठाउँमा भएको भए, स्वभाविक भन्न सकिन्थ्यो तर, सबै ठाउँमा उस्तै देखिएकाले प्रहरी सबै भन्दा फोहोरी हो कि भन्ने अड्कल काट्न कुञ्जुस्याँई गर्नु पर्दैन होला ।

कामै गर्दैन त प्रहरी ? 
ट्राफिक प्रहरी महाशाखाले फेला पारिएका मोटरसाईकल कस्का हुन भनेर धनी खुलेसम्म सम्पर्क गर्छ । धनी फेला नपरेपछि थन्क्याएर राखिदिने गरिएको छ । २०७० देखिका मोटरसाइकले सबै विवरण ट्राफिकको वेभसाइटमा राखिएको छ,  इन्जिन नम्बर, चेसिस नम्बर र नम्बर प्लेट सहित। तर, ति थुप्रोहरुमा २०६७–६८ देखिका मोटरसाईकल समेत छन् । ब्लु बुकसहित दाबी गर्न आउन पनि भनिएको छ । तर लिनेहरु आउँदैनन् । 

बर्षौदेखि सवारी धनी कुर्दै महाशाखा 
समयसीमा तोकेर यति समयसम्म लिन नआएमा, फेला पारिएका सवारी लिलाम गर्ने वा के गर्ने भन्ने अधिकार ट्राफिक प्रहरी महाशाखालाई छैन, भन्सार कार्यालयलाई मात्रै छ । महाशाखालाई सबभन्दा ठूलो टाउँको दुखाईको विषय नै यही छ । महाशाखाको नेतृत्व सम्हालिरहेका एसएसपी बसन्त पन्तले हाम्राकुरासँग भने, ‘धनीहरु आउलान् भनेर वर्षौँदेखि थुपारेर राखेका छौँ । प्रचारप्रसार गर्दा पनि आउँदैनन् । धनी खोज्दै जिम्मा लगाउन खोज्दा पनि आउँदैनन् ।’ २–३ वर्षसम्म कोही लिन आएन भने भन्सार पठाउने गरेका छौँ, उनले अगाडि भने, ‘एकै पटक पनि पठाउन मिल्दैन । आउँछन् कि भनेर कर्दा कुर्दै समय वितिहाल्छ ।’ महाशाखामा थन्किएका पूराना सवारी कहिलेसम्म राख्नु हुन्छ ? जवाफमा उनले भने, ‘अब सबै विस्तारै हट्दै जान्छन् ।’ हटाउनको पिरलो एकातिर छँदैछ, अर्कोतिर थपिनेले टाउको दुख्छ उनको ।   

अर्कोतिर, भन्सारमा लगेर बुझाइदिँदा, कसैले भन्सार तिरेर, कर तिरेर प्रमाण सहित मेरो बाइक देऊ भन्न आयो भने के गर्ने ?, ट्राफिक कार्यालय उल्टो फसादमा पर्ने । नबुझाउँ भने कति वर्षसम्म थन्क्याएर राख्ने ? यति समयसम्म थन्क्याएर राखिदिने र तोकिएको समयसम्म सवारी धनी सम्पर्कमा नआए भन्सारमा बुझाइदिने मात्रै व्यवस्था गरिदिने हो भने पनि महाशाखालाई राहत हुने देखिन्छ । ट्राफिक प्रहरी वा महानगरीय प्रहरीविटहरु महानगरले फोहर फाल्ने डम्पिङ साइट जस्तै भएका छन् । 



लोकप्रिय समाचार
लोकप्रिय समाचार
नयाँ