काठमाडौं । क्रोएसियाले पहिलो पटक विश्वकप फुटबलको फाइनलमा स्थान सुरक्षित गरेको छ । सन् १९९८ मा पहिलो पटक विश्वकप खेलेको क्रोएसियाले त्यतिबेलै सेमिफाइनलमा ठाउँ बनाएको थियो ।
तर क्रोएसिया त्यतिबेला विश्वकप विजेता फ्रान्ससंग सेमिफाइनलमा पराजित भएको थियो । क्रोएसियाले चौथो स्थानमै चित्त बुझाएको थियो ।
तर २० वर्षमा क्रोएसियाले फाइनलमा पुगेर कीर्तिमान रचेको छ क्रोएसियाले सेमिफाइनलमा बिहिबार बिहान इंगल्याण्डलाई २–१ ले पराजित गर्यो ।
यो जितले धेरै कीर्तिमान राखेको छ । तीमध्ये हो विश्वकपको फाइनलमा पुग्ने क्रोएसिया १३ औं राष्ट्र बनेको छ ।
युरोपतिर १३ नम्बरलाई लक्की मानिँदैन । तर क्रोएसिया यो विश्वकपमा लक्की सावित हुँदै आएको छ ।
पाँचौं पटक युरोपेली राष्ट्रहरुबीच भएको सेमिफाइनलमा क्रोएसियाले अतिरिक्त समयमा गोल गरेर अर्को कीर्तिमान रचेको छ ।
विश्वकपको इतिहासमा अहिलेसम्म कुनै पनि टिमले सेमिफाइनलमा अतिरिक्त समयमा गएर पेनाल्टी बिना नै खेल जितेको रेकर्ड थिएन ।
फाइनलमा क्रोएसियाले आइतबार फ्रान्ससंग खेल्नेछ । र बदला लिने राम्रो अवसर पनि छ । किनकि सन् १९९८ को विश्वकपमा फ्रान्सले क्रोएसियालाई सेमिफाइनलमा हराएको थियो ।
बदला लिन सफल भयो भने क्रोएसियाले पहिलो उपाधि जित्नेछ र अर्को कीर्तिमान रच्नेछ ।
तर युरोपेली राष्ट्र अनि १३ औं टिम फाइनलमा । यो लक्की सावित हुन्छ कि अनलक्की ? यदि क्रोएसिया विजयी भयो भने १३ नम्बरको ‘अलच्छिन’ नम्बरले पनि सम्मान पाउने छ । यरोपेलीमा रहेको त्यो भ्रमको पर्दा पनि च्यातिने छ ।
