‘टिभी च्यानलले खेलमा भन्दा धेरै राम्री युवतीमा फोकस गरे’
प्रकाशित २०७५ असार ३१ आइतबार
431
Shares
काठमाडौं । विश्व फुटबल महासंघ फिफाका अधिकारीहरुले विश्वकपको खेल भइरहेको अवस्थामा टिभी च्यानलहरुले ल्यामर्समा बढी ध्यान दिएको आरोप लगाएका छन् ।
उनीहरुले रुस विश्वकपमा खेल भइरहेको अवस्थामा मैदानमा भन्दा पनि स्डेडियममा खेल हेर्न पुगेका सुन्दरीहरुमा क्यामेरा बढी फोकस गरिएको भन्दै चिन्ता व्यक्त गरेका हुन् ।
यससँगै आगामी दिनमा टिभी च्यानलहरुको कवरेजपछि दोषी पाइएमा उनीहरुमाथि कारबाही गर्ने निर्णयमा अधिकारीहरु पुगेका छन् ।
विशेषगरी यो विश्वकपमा रुसी टिभी च्यानललाई यस्तो आरोप लगाइएको छ । फिफाका अधिकारीहरुले रुस र साउदी अरेबियाको खेल चलिरहँदा खेलभन्दा बढी स्टेडियममा बसेकी एक मोडललाई फोकस गरेको आरोप लगाएका छन् ।
यस विषयमा फिफाका सम्बन्धित अधिकारी फेडेरिको एदिसचीले रुस र साउदीको बीचमा खेलमा रुसी च्यानलले यस्तो कार्य गरेको स्वीकार गरेका छन् । उनले अहिले तत्काल च्यानलमाथि कुनै कारबाही गरिने नबताएपनि आगामी दिनमा हुनसक्ने यस्तो कार्यमा फिफाको नजर रहने बताए । उनले कुनै पनि गलत अभ्यास हुन्छ भने त्यस किसिमको कार्य गर्नेलाई कारबाही गरिने बताए । (एजेन्सी)
