विश्वकप इतिहासको तेस्रो कान्छो खेलाडी जसले खेल्दैछ फाइनल
यी हुन् अगाडिका दुई कान्छाहरु
प्रकाशित २०७५ असार ३१ आइतबार
470
Shares
काठमाडौं । विश्वकप फुटबलको फाइनल काउन्ट डाउन सुरु हुँदै गर्दा फ्रान्सका खेलाडी काइलिन एम्बाप्पे त्यस्ता युवा खेलाडी हुन् जो विश्पकप फुटबलको इतिहासकै तेस्रो कान्छा खेलाडीको कीर्तिमान रचेका छन् ।
लुज्नियाकी स्टेडियममा क्रोएसियाविरुद्ध मैदानमा छिर्दै गर्दा उनी गोल्डेन बलका प्रमुख दावेदार पनि हुन् ।
एम्बाप्पे चर्चामा छन् किनकि उनले विश्वकै सर्वाधिक महान् ब्राजिलियन खेलाडी पेलेलाई पछ्याएका छन् । पेलेले सन् १९५८ मा खेलेका थिए । उनी त्यतिबेला १७ वर्षका थिए ।
ब्राजिलले स्वीडेनसंग सन् १९५८ को जुन २९ तारिखमा खेल्दा १७ वर्षका थिए ।
त्यसैगरी जुलाई ११ तारिख १९८२ मा इटालीका जिसेप्पेल बेर्गोमीले वेष्ट जर्मनीसंग खेल्दा १८ वर्षका थिए ।
र अहिले एम्बाप्पे १९ वर्षका छन् क्रोएसियासंग फाइनलमा भिड्दै गर्दा । उनले कीर्तिमान बनाइसकेका छन् । अब उपाधि पनि जित्ने हो भने एम्बाप्पेको नाममा अर्को कीर्तिमान बन्ने थियो ।
