- सुन चाँदी दर
- विनिमय दर
- नेपाली पात्रो
- राशिफल
काठमाडौं । रुस विश्वकप फुटबलमा इङल्याण्डका कप्तान ह्यारी केनले गोल्डेन बुट अवार्ड जितेका छन् ।
विश्वकपमा ६ गोल गरेका केनलाई कसैले भेट्टाउन सकेन । उनीपछि ४ गोलमात्र रह्यो । इंगल्याण्ड विश्वकपमा चौथो भयो ।
केनले समूह चरणमा पानामा विरुद्ध ह्याटिक तथा ट्युनिसिया विरुद्ध दुई गोल गरेका थिए । त्यसैगरी प्रिक्वार्टरफाइनलमा कोलम्बिया विरुद्ध एक गोल गरेका थिए ।
उनी गोल्डेन बुट जित्ने दोस्रो इङलिश खेलाडी बनेका छन् । केनअघि सन् १९८६ मा गेरी लिनेकरले ६ गोल गर्दै गोल्डेन बुट जित्ने पहिलो इंगलिश खेलाडी बनेका थिए ।
रुस विश्वकपमा चार गोल गर्ने खेलाडीहरुमा फ्रान्सका खेलाडीहरु एन्टोइन ग्रेजम्यान र कालिएन एम्बाब्बे, बेल्जियमका रोमेलु लुकाकु, पोर्चुगलका क्रिष्टियानो रोनाल्डो र रुसका डेनिस चेरिशेभ रहे ।