पाल्पा । खोलाको पानीमा तैराएर तस्करी गर्न आटेको काठ रामपुरमा प्रहरीले बरामद गरेको छ । रामपुर नगरपालिका वार्ड नं ३ रजघरा स्थित निस्दी खोलाको बगर किनारमा शुक्रबार बेलुकी अबैध रुपमा खोलामा टुनीको चिरान काठ तस्करी गर्ने क्रममा बरामद गरेको हो ।
बिल्कुलै नयाँ प्रकृया अपनाउदै खोलाको बहावसंगै बगाउंदै तस्करी गर्दै काठ लैजान लागेको सूचनाको आधारमा प्रहरी चौकी केलादी र ईलाका प्रहरि कार्यालय रामपुरको प्रहरी टोलीले १८ थान चिरानको काठ बेबारिसे अबस्थामा खोला किनार र खोलामा बहाव संगै तैरिरहेको अबस्थामा फेला पारी नियन्त्रणमा लिएर ईलाका बन कार्यालयमा बुझाएको ईलाका प्रहरी कार्यालय रामपुरका प्रहरी निरीक्षक भोजराज पाण्डेयले बताए ।
काठ तस्करीमा सम्लग्न व्यक्ति फरार रहेकोले खोजी कार्य भैरहेको ईलाका प्रहरी कार्यालय रामपुरले जानकारी दिएको छ ।
