कांग्रेस मिलेमात्र विपीप्रति सच्चा श्रद्धाञ्जली – पूर्वमहामन्त्री सिंह
प्रकाशित २०७५ भदौ २४ आइतबार
617
Shares
वीरेन्द्रनगर । नेपाली काँग्रेसका पूर्व महामन्त्री प्रकाशमान सिंहले नेपाली काँग्रेसलाई थप सशक्त बनाउन एक जुट हुनुपर्नेमा जोड दिएका छन् ।
नेपाली काँग्रेसले विपी कोइरालाको १०५ औं जन्मजयन्ती देशैभर मनाइरहँदा सो क्रममा सुर्खेत पुगेका नेता सिंहले एक आपसमा मिलेमात्र काँग्रेस सशक्त पार्टी बन्न सक्ने धारणा राखे ।
उनले विपीको सिद्धान्त आत्मसात गरी अगाडि बढ्न सकेमात्र विपीप्रति सच्चा श्रद्धाञ्जली हुने बताए ।
पूर्व महामन्त्री सिंहले नेतृत्वका कारण अहिले काँग्रेस धरासायी भएको भन्दै नेतादेखि कार्यकर्तासम्मले नेतृत्वले कमकमजोरी सुधार गर्नुपर्नेमा जोड दिएको पनि बताए ।
यसअघि वीरेन्द्रनगरको बुलबुलेमा वृक्षारोपण गरिएको थियो । कार्यक्रममा केन्द्रीयदेखि स्थानीय तहका नेता तथा कार्यकर्ताको सहभागीता रहेको थियो ।
