-
-
-
-
काठमाडौं । डेमोक्रेटिक रिपब्लिक अफ कंगोमा हालसालै देखिएको इबोला संकटबाट मर्नेको संख्या २०० नाघेको छ ।
कंगोका स्वास्थ्य अधिकारीहरुले दिएको जानकारीअनुसार कंगोको बेनी सहरमा करिब आधाभन्दा बढी मानिसहरु प्रभावित बनेको देखिएको हो । यो सहरमा आठ लाख मानिसहरु रहेका छन् ।
अहिलेसम्म केवल २५ हजार मानिसहरुलाई मात्र खोप पुर्याइएको बताइएको छ । कंगोका स्वास्थ्यमन्त्री ओली इलुंगाले हतियारधारी विद्रोहीले लगाताररुपमा आक्रमण गरिरहेको कारण स्वास्थ्य कार्यक्रम प्रभावित बन्न पुगेको बताएका छन् ।
पछिल्लो केही समययता कंगो गृहयुद्ध र राजनीतिक तनावको कारण समस्यामा रहँदै आएको छ । गएको जुलाईदेखि कंगोमा इबोला देखिएको हो ।
पछिल्लो आधिकारिक विवरणअनुसार अहिलेसम्म २९१ इबोलाको संक्रमण देखिएको छ भने २०१ जना मानिसहरुको ज्यान गएको छ ।
