- सुन चाँदी दर
- विनिमय दर
- नेपाली पात्रो
- राशिफल
काठमाडौं । रुसले युक्रेनका तीनवटा जहाज नियन्त्रणमा लिएको छ । क्रिमियाइ प्रायद्वीपको नजिक नौसैनिक जहाजमा हमला गरेर रुसले आफ्नो कब्जामा लिएको हो ।
रुसले युक्रेनको जहाज आफ्नो जलसीमा आजोव सागरमा गैरकानुनी ढंगले छिरेको दाबी गरेपछि यो विवाद उत्पन्न भएको हो ।
घटना लगत्तै रुसले कर्चमा तंग जलमार्गको एक पुलको तल टयांकर तैनाथ गरेर आजोव सागरतर्फ जाने बाटो बन्द गरिदिएको थियो ।
यो घटनाले रुस र युक्रेनबीच थप तनाब बढेको छ । दुबै देशले यस घटनाका लागि एक–अर्कालाई जिम्मेदार भएको आरोप लगाएका छन् ।
आजोव सागरको जलीय सीमा रुस र युक्रेनबीच बाँडिएको छ । रुसी कारबाहीमा आफ्नो चालक दलका दुई सदस्य घाइते भएको युक्रेनले बताएको छ ।
युक्रेनले विज्ञप्ति निकालेरै विरोध गरिरहँदा रुसले भने युक्रेनको दाबीसम्बन्धमा थप कुनै प्रतिक्रिया दिएको छैन ।
सन् २०१४ देखि पूर्वी दोनेस्क र लुथान्स क्षेत्रमा १० हजार भन्दा बढीको ज्यान गइसकेको छ ।