चौधरी, वाग्ले र रूंगटासहित ६ जना महासमिति सदस्य थपिए
प्रकाशित २०७५ पुष १ आइतबार
396
Shares
काठमाडौं । नेपाली कांग्रेसको महासमिति सदस्यमा ६ जनालाई थप गरिएको छ । पार्टी सभापति शेरबहादुर देउवाले पार्टीलाई विभिन्न क्षेत्रमा रहेर पुर्याएको योगदानको आधारमा उनीहरुलाई महासमिति सदस्यमा थप गरेका हुन् ।
थप गरिएको महासमिति सदस्यहरुमा विनोद चौधरी, अनिल रूंगटा, स्वर्णिम वाग्ले, दीपक अधिकारी, शम्भुलाल श्रेष्ठ र सुरेन्द्र चौधरी रहेका छन् । महाधिवेशनका लागि कांग्रेसका १८ सय भन्दा बढी सदस्यहरु सहभागी छन् ।
महासमितिमा मनोनित मध्ये नेपालकै एकमात्र अर्वपती उद्यमी विनोद चौधरी कांग्रेस सांसद हुन् भने पर्साका उद्योगी अनिल रूंगटा समानुपातिकबाट पुर्व सभासद हुन् । गोरर्वाका स्वर्णीम वाग्ले राष्ट्रिय योजना आयोगका पूर्व उपाध्यक्ष हुन् ।
दिपक अधिकारी सर्लाहीका कांग्रेस नेता हुन् भने नेबिसंघका पूर्व उपाध्यक्ष हुन्। पुर्वमन्त्री शम्भुलाल श्रेष्ठ सर्लाहीका नेपाली कांग्रेसका नेता हुन् भने पर्सा कांग्रेसका पूर्व सभापति सुरेन्द्र चौधरी पूर्व मन्त्री रहिसकेका छन्।
