- सुन चाँदी दर
- विनिमय दर
- नेपाली पात्रो
- राशिफल
विराटनगर । नेपाल पत्रकार महासंघसंग आवद्ध तीन सय पत्रकारहरु विराटनगरमा भेला भएका छन् । महासंघको राष्ट्रिय भेलाका लागि पत्रकारहरु भेला भएका हुन् । प्रदेश नम्बर १ का मुख्यमन्त्री एवं पूर्व संचारमन्त्री शेरधन राईले भेलाको उद्घाटन गरेका छन् ।
भेलामा केन्द्रीय समितिसंगसंगै हरेक जिल्ला, प्रदेश, प्रतिष्ठान लगायतका अध्यक्षहरु उपस्थित छन् ।
भेलामा पत्रकार महासंघको प्रेस स्वतन्त्रताबारेको रणनीतिक समीक्षा हुने केन्द्रीय महासचिव रमेश विष्टले हाम्राकुरालाई बताए । भएको रणनीतिलाई भेलाले अध्यावधिक गर्नेछ ।
त्यसैगरी संगठन एवं विधानको सुझाव संकलन तथा कानुन निर्माणका क्रममा प्रेस स्वतन्त्रताबारे भएका निर्णयहरुलाई कसरी अगाडि बढाउने भन्नेबारेसमेत गम्भीर छलफल हुने महासचिव विष्टले बताए ।
भेलामा प्रत्यक्ष निर्वाचनमा जाने सम्वन्धमा समेत छलफल हुने बताइएको छ । भेलामा पत्रकारहरुको हकहित संगै न्यूनतम पारिश्रमिक बारेसमेत चर्को बहस हुने बुझिएको छ ।
भेलाले विराटनगर घोषणापत्र जारी गर्नेछ ।
यो भेला सकिए लगत्तै धनकुटामा शुक्रबार र शनिबार दुई दिन केन्द्रीय समिति बैठक बस्नेछ ।