आप्रवासी मार्ने अमेरिकी प्लान ? ८ वर्षे बालकको पनि गयो ज्यान
प्रकाशित २०७५ पुष ११ बुधबार
511
Shares
काठमाडौं । आप्रवासीप्रति अमेरिकी राष्ट्रपति डोनाल्ड ट्रम्प अनुदार छन् । त्यही अनुदार नीतिको झल्को पछिल्लो घटनाले देखाएको छ । एक महिनाको अवधिमा दुई आप्रवासी बालबालिकाको मृत्यु भएपछि सशंकित हुनुपर्ने अवस्था आएको छ ।
मंगलबार राति अमेरिकाको सरकारी हिरासतमा रहेका ८ वर्षका आप्रवासी बालकको ज्यान गएपछि थप सशंकित पारेको हो ।
मेक्सिकोसँग जोडिएको सीमाबाट अमेरिका प्रवेश गरेका ग्वाटेमालाका ती बालकलाई अवैध आप्रवासी रहेको भन्दै अमेरिकी सरकारी संयन्त्रले नियन्त्रणमा लिएर हिरासतमा राखेको थियो । बालकको हिरासतमै रहेका बेला ज्यान गएको अमेरिकाको आप्रवासन सम्बन्धी कार्यालयका अधिकारीले बताएका छन् ।
अमेरिकी अधिकारीले मेक्सिकोसँग जोडिएको सीमा क्षेत्रबाट अमेरिका प्रवेश गरेकाहरुलाई पक्राउ गर्ने गरेका छन् ।
८ वर्षे बालकलाई चिसो लागेको तथा ज्वरो आएकोले उपचार गरेको तर उनको निधन भएको सीमा क्षेत्रमा खटिएका अमेरिकी अधिकारीले बताएका छन् ।
यसअघि ग्वाटेमालाबाट अमेरिका आएकी ७ वर्षकी बालिकाको हिरासतमा लिएको केही घण्टापछि नै निधन भएको थियो ।
