- सुन चाँदी दर
- विनिमय दर
- नेपाली पात्रो
- राशिफल
काठमाडौं । विवेकशील साझा पार्टीले चिकित्सा शिक्षा सुधारको लागि सत्याग्रहमा लागेका डा गोविन्द केसीले उठाएका मात्र संवोधन गर्न सरकारसंग आग्रह गरेको छ ।
प्रधाानमन्त्री केपी शर्मा ओलीलाई ज्ञापनपत्र बुझाउँदै विवेकशीलले गत साउन १० गते डा केसीसंग भएको सहमति पालनाका लागि आग्रह गरेको हो ।
डा केसीसंग १५ औं आमरण अनसन तोडाउने क्रममा नेपाल कम्युनिष्ट पार्टी संसदीय दलका उपनेता सुवास नेम्वाङ र नेकपाका महासचिव विष्णु पौडेलको उपस्थितिमा सरकारका प्रतिनिधिसंग भएको सहमतिको हस्ताक्षर अनुसार नै पालना गर्न पनि विवेकशीलले आग्रह गरेको छ ।
उक्त सम्झौतापत्रमा डा केसीको प्रमुख माग गरेको चिकित्सा शिक्षा विधेयकलाई पारित गर्ने विषयमा संघीय संसदको शिक्षा तथा स्वास्थ्य समितिमा विचाराधीन छ ।
उपसमितिले समितिलाई पेश गरेको प्रतिवेदन डा केसीको मागको प्रतिकुल छ । यस सम्बन्धमा गम्भीर ध्यानाकर्षण भएको जनाउँदै विवेकशीलले १६ औं सत्याग्रह सुरु गर्ने वातावरण नबनाउन पनि प्रधानमन्त्री ओलीलाई आग्रह गरेको छ ।
समिति बैठक अहिले बस्दैछ भने डा केसी माग पूरा नभए आमरण अनसन बस्ने भन्दै मंगलबार नै इलाम पुगिसकेका छन् ।