-
-
-
-
नवलपरासी पश्चिम । नवलपरासी पश्चिमको प्रतापपुर गाऊपालिका वडा नं ५ श्रीरामपुरमा बिहिवार माटोको ढिस्कोले पुरेर एकजना बालक गम्भिर घाईते भएका छन ।
बिहिबार बिहान आफ्नो पाँच जना साथीहरुसंग पश्चिम गण्डक नहरको बाधमा माटो खन्ने अवस्थामा ढिस्कोमा परि माटोले पुरिएका थिए । केटाहरुले हल्ला गरेपछि स्थानीयले कोदालो र बेल्चाबाट माटो हटाई बाहिर निकाल्दा गम्भीर अवस्थामा थिए ।
घाईते प्रतापपुर गाऊपालिका वडा नं ६ गूठि प्रसौनी बस्ने बाया तेलिको छोरा ११ बर्षिय दिलिप तेली थिए । घाईते भएका तेलीलाई उपचारको लागी शहिद स्मृति सामुदायिक अस्पताल चौपत्ता पठाईएको सशस्त्र प्रहरी बोर्डर आऊट पोष्ट गुठी परसौनीका सशस्त्र प्रहरी निरिक्षक माधव पण्डितले जानकारी दिए । अन्य चार जनालाई समान्य चोटपटक लागेको प्रहरीले जनाएको छ ।
