-
-
-
-
काठमाडौं । इमालमा आमरण अनसनरत प्राडा गोविन्द केसीको सत्याग्रहमा नेपथ्य ब्यान्डले ऐक्यवद्धता जनाएको छ । नेपथ्यका अमृत गुरुङ सोमबार डा केसीलाई भेट्न अस्पताल पुगेका थिए ।
उनले ट्वीटरमा ट्वीट गर्दै भनेका छन्, ‘इलाममा डा केसीको दर्शन गरेर ऐक्यवद्धता प्रकट गरें । वहाँको मागको सुनवाइ गरेर अविलम्ब अनसन तोड्ने बातावरण निर्माण होस् ।’
उनले आइएमविथडीआरकेसी ह्यासट्यागसमेत गरेका छन् । फिदिम यात्राका क्रममा गुरुङ इलाम पुगेका हुन् ।
गत पुस २५ गतेदेखि इलाममा आवरण अनशनरत सत्याग्रही प्राडा गोविन्द केसीको स्वास्थ्य अवस्था थप जटिल बन्दै गएको छ । त्योसंगै उनका समर्थकहरु पनि बढेका छन् ।
उनको आन्दोलनमा ऐक्यवद्धता जनाउनेहरुले काठमाडौंदेखि इलामसम्म नाराजुलुस बुझाउनेदेखि ज्ञापन पत्र बुझाउने काम गरिरहेका छन् ।
सरकारले भने अहिलेसम्म चासो राखेको छैन ।
नेपथ्यले बुधबार साँझ फिदिम उच्च माविको खेल मैदानमा कन्सर्ट गर्दैछ ।
