- सुन चाँदी दर
- विनिमय दर
- नेपाली पात्रो
- राशिफल
काठमाडौं । मौसम अस्थिर भएको छ । बिहीबार उपत्यकासहित धेरै ठाउँको मौसम बदली भएको छ । पश्चिमी वायुको प्रभावले बुधबारदेखि नै धेरै ठाउँको मौसम बदली भएको जल तथा मौसम पूर्वानुमान महाशाखाले जनाएको छ ।
मौसमविद् शान्ति कँडेलका अनुसार पश्चिमी वायुको प्रभावले पहाडी क्षेत्रको मौसम पूर्ण रुपमा खुल्ने छैन । पहाडी क्षेत्रको मौसम छिनछिनमा परिवर्तन हुनेछ । पश्चिमको एक दुई ठाउँमा पानी पनि पर्न सक्छ ।
बिहान ८ः४५ बजे काठमाडौं उपत्यकाको तापक्रम ६ डिग्री सेल्सियस रह्यो । दिपायलमा ६.८, पोखरामा ९.७ र धनकुटामा १३.८ डिग्री सेल्सियस रह्यो ।
यस्तो छ तीन दिनको मौसम पूर्वानुमान
माघ ३ गते बिहीबार
दिउँसोः देशका पहाडी भुभागमा आंशिकदेखि सामान्य बदली रहने छ भने बाँकी भुभागमा मौसम सामान्यतया सफा रहने छ । पहाडी भेगका १–२ स्थानहरुमा हल्का वर्षा हुने सम्भावना छ । साथै उच्च पहाडी र हिमाली भेगका थोरै स्थानहरुमा हल्का हिमपातको पनि संभावना रहेको देखिन्छ ।
रातिः देशका पहाडी भुभागमा आंशिक बदली रहने छ भने बाँकी भुभागमा मौसम सामान्यतया सफा रहने छ । साथै देशका हिमाली भेगका १–२ स्थानहरुमा हल्का हिमपातको पनि संभावना रहेको देखिन्छ ।
माघ ४ गते शुक्रबार
दिउँसोः देशको पहाडी क्षेत्रमा आंशिक बदली हुने तथा अन्य स्थानहरुमा मौसम सामान्यतया सफा रहने छ ।
रातिः देशको पश्चिमी पहाडी भुभागमा आंशिक बदली र अन्य स्थानहरुमा मौसम सामान्यतया सफा रहने छ ।
माघ ५ गते शनिबार
दिउँसोः देशको पश्चिमी र मध्य पहाडी क्षेत्रमा आंशिक बदली हुने तथा अन्य स्थानहरुमा मौसम सामान्यतया सफा रहने छ ।
रातिः देशको पश्चिमी भुभागमा आंशिक बदली र अन्य स्थानहरुमा मौसम सामान्यतया सफा रहने छ ।