काठमाडौँ। मधेसी मोर्चालगायतका आन्दोलनरत दलले उठाएका मागलाई सम्बोधन गर्न सरकारले संविधान संशोधन गर्ने विधेयक संसद् सचिवालयमा आज दर्ता गराएको छ ।
कानुन, न्याय, संविधानसभा तथा संसदीय मामिला मन्त्री नरहरि आचार्यले उक्त विधेयक दर्ता गराउनुभएको संसद् सचिवालयका सहायक प्रवक्ता सुदर्शन कुइँकेलले जानकारी दिनुभयो ।
आन्दोलनरत दलले समानुपातिक समावेशी र जनसङ्ख्याका आधारमा निर्वाचन क्षेत्र निर्धारण, सङ्घीय प्रदेशको सीमा निर्धारणलगायत विभिन्न माग राखी विगत डेढ महिनादेखि आन्दोलन गर्दै आइरहेका छन्।
