काठमाडौं । प्रधानमन्त्री केपी शर्मा ओलीले भारतीय प्रधानमन्त्री मोदीको कार्यकालको सफलताको कामना गरेका छन् । सो अवसरमा प्रधानमन्त्री ओलीले भारतीय प्रधानमन्त्री मोदी विशेष उपहारस्वरुप रुद्राक्षको माला प्रदान गरेका छन् ।
पशुपतिनाथको मुलुकका सरकार प्रमुख ओलीले काशी विश्वनाथको मुलुकका सरकार प्रमुखलाई भगवान् शिवको प्रिय माला रुद्राक्ष उपहार प्रदान गर्नुले अर्थपूर्ण मानिएको छ ।
भेटमा भारतीय समकक्षी नरेन्द्र मोदीले नेपाल–भारत सम्बन्धलाई अझ सुदृढ तुल्याउने प्रतिबद्धता व्यक्त गरेका छन् । नयाँदिल्लीस्थित हैदरावाद हाउसमा शुब्रबार अपराह्न भएको भेटवार्तामा दुवै देशका प्रधानमन्त्रीले जनस्तरको सम्बन्धलाई थप प्रगाढ तुल्याउने प्रतिबद्धता व्यक्त गर्नाका साथै आपसी हित र चासोका विविध विषयमा विचार–विमर्श गरेको भारतको बाह्य मामिला मन्त्रालयका प्रवक्ताले बताएका छन् ।
भारतको प्रधानमन्त्रीका रुपमा दोस्रो कार्यकालका लागि चयन एका मोदीको शपथ समारोहमा सहभागी हुन प्रधानमन्त्री ओली बिहीबारदेखि नयाँदिल्लीमा छन् ।
