- सुन चाँदी दर
- विनिमय दर
- नेपाली पात्रो
- राशिफल
पाँचथर । प्रदेश १ का आर्थिक मामिला तथा योजना मन्त्री इन्द्रबहादुर आङ्बाले अव असारे विकासको परम्परा अन्त्य गर्नुपर्ने बताएका छन् । पाँचथरको सदरमुकाम जोड्ने तीन वटा ग्रामिण सडकको कालोपत्रे गर्ने कार्यको बिहिबार शिलान्यास कार्यक्रमलाई सम्बोधन गर्दै उनले त्यस्तो बताएका हुन् ।
सबै तर्फबाट सरकारले असारे विकासका विषयमा आरोप खेप्नु परीरहेकोले यसको अन्त्य जरुरी रहेको उनको भनाई थियो । उनले प्रदेश समन्व परिषद बैठकबाट अब जेठ पछाडि कुनै पनि निर्माणको काम नगर्ने प्रतिबद्धता गर्ने बताए ।
स्थानिय तहहरुले पनि बजेट पाइसकेपछि कामको सुरुवात गर्नुपर्ने र असारमा मात्र भुक्तानि हुने परम्परा अन्त्य गर्नु पर्नेमा जोड दिए।
उनले फरक प्रसंगमा बोल्दै दुईचार जनाले आन्दोलन गर्दैमा र टायर बाल्दैमा सरकार कसै सामु नझुक्ने चेतावनी दिए । विकास र समृद्धि प्रति बर्तमान सरकार अठोटका साथ अगाडि बढिरहेको बताए ।
सदरमुकाम फिदिम जोड्ने महत्वपुर्ण ग्रामिण सडक शिवा दोभान–लुम्फाबुङ–नवमीडाँडा सडक, सरखण्डे–यासोक सडक र फिदिम– फालोट सडक गरी ३ वटा सडक कालोपत्रेका लागि आङ्बोले शिलान्यास गरेका हुन्।