भारतमा सम्पत्ति शुद्धिकरण र आतंकवादी क्रियाकलापबारे २० नेपाली अधिकारीको प्रशिक्षण 

प्रकाशित मिति : २०७६ भदौ २ सोमबार

काठमाडौं । नेपालका विभिन्न सरकारी निकायका २० अधिकारीहरुले भारतमा ‘सम्पत्ति शुद्धिकरण तथा आतंकवादी क्रियाकलापमा वित्तीय लगानी निवारण’ सम्बन्धी तालिम लिइरहेका छन् । 

उनीहरुले भारतको फरिदावादस्थित नेशनल एकेडेमी अफ कस्टम्स, इन्डाइरेक्ट ट्याक्सेस एन्ड नार्कोटिक्स (नासिन) मा प्रशिक्षण लिइरहेका हुन् । 

सो प्रशिक्षण भारतीय प्राविधिक तथा आर्थिक सहकार्य कार्यक्रम अन्तर्गत भारत सरकारको पूर्ण सहयोगमा संचालन भइरहेको हो । 

नेपाली अधिकारीहरुको क्षमतालाई अभिवृद्धि गर्ने भारत सरकारको प्रतिवद्धताको अर्को उदाहरणको रुपमा यस कार्यक्रमलाई लिइएको छ । 

यो कार्यक्रम अन्तर्गत नेपालका विभिन्न नियामक निकायका ६० अधिकारीहरुलाई तालिम दिइने बताइएको छ । 

उक्त प्रशिक्षण दुई ब्याचका प्रत्येक २० अधिकारीहरुलाई नासिनमा अक्टोबर र डिसेम्बरमा दिइने भएको छ । 

यो कार्यक्रमको उद्धेश्य नेपालका सम्बन्धित निकायहरुको सम्पत्ति शुद्धकरण तथा आतंकवादी क्रियाकलापमा वित्तीय लगानी निवारण सम्बन्धी मामिलामा क्षमता अभिवृद्धि गर्ने अपेक्षा गरिएको छ । 

सम्पत्ति शुद्धिकरण निवारण तथा वित्तीय अनुसन्धानको क्षेत्रमा नासिन भारत सरकारको शीर्ष प्रशिक्षण संस्था मानिन्छ । 

यो एसिया प्रशान्त क्षेत्रका लागि विश्वभर भन्सार संस्थाको एक मान्यताप्राप्त क्षेत्रीय प्रशिक्षण केन्द्र हो जसले अन्तर्राष्ट्रिय संस्थाहरु युएनईपी, युएनडीपी र एसएएसईसी लगायतसंग मिलेर काम गर्दछ । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ