प्रहरीको भ्यानले ठक्कर दिँदा मोटरसाइकल सवार एकको मृत्यु

प्रहरीको भ्यानले ठक्कर दिँदा मोटरसाइकल सवार एकको मृत्यु

निरंजन कुमार साह,

प्रकाशित २०७६ असोज १५ बुधबार

जनकपुरधाम । जनकपुरधाममा प्रहरीको भ्यानले मोटरसाइकललाई ठक्कर दिँदा मोटरसाइकल सवार एक व्यक्तिको मृत्यु भएको छ । बुधबार विहान प्रहरीको भ्यानले मोटरसाइकललाई ठक्कर दिएको हो । घटनामा एकजनाको मृत्यु र एक घाइते भएका छन ।

मृत्यु हुने धनुषा जिल्लाको धनौजी घर भई हाल जनकपुरधाम उपमहानगरपालिका वडा नम्बर ४ मा डेरा गरी बस्ने अन्दाजी वर्ष १८ का मनीष मण्डल रहेका छन ।

जनकपुर अञ्चल अस्पताल स्रोतका अनुसार मोटरसाइकल सवार अर्का एकजना युवा जनकपुरधाम उपमहानगरपालिका वडा नम्बर ४ का १६ बर्षिय नजीरुल अंसारीको उपचार अहिले अञ्चल अस्पताल भइरहेको छ ।