ओलीसँग टकरावको अवस्था छैन : प्रचण्ड

शान्ति प्रक्रियाका मुद्दाहरु चाँडै टुंग्याउने

जितेन्द्र भण्डारी, प्रकाशित मिति : २०७६ कार्तिक ५ मंगलबार

पाँचथर । नेपाल कम्युनिष्ट पार्टीका अध्यक्ष पुष्पकमल दाहाल 'प्रचण्ड'ले दुई पार्टी अध्यक्षको बिचमा कुनै टकरावको अवस्था नरहेको बताएका छन् ।

पाँचथरको फिदिममा मंगलबार जिल्ला स्तरीय बृहत कार्यकर्ता प्रशिक्षण कार्यक्रम अघि पत्रकारसँग बोल्दै प्रचण्डले अव समग्र स्थितिलाई कसरी लैजाने भन्ने विषयमा पार्टी अध्यक्ष केपी शर्मा ओली र आफू विच समझदारी गरी अघि वढ्ने संकल्प गरेको बताए ।
 
उनले सभामुख चयन पनि संवाद निरन्तर भइरहेको हुँदा चाँडै सभामुख चयन हुने बताए । पार्टी एकता प्रक्रिया अन्तिम चरणमा रहेको बताउदै उनले थोरै ढिला भएपनि निष्कर्षमा पुगेको उनको भनाई छ । केन्द्रमा सवै एकता प्रक्रिया टुंग्याएर छिट्टै प्रदेश स्तरीय भेला प्रशिक्षणमा जानेमा तयारीमा रहको उनले बताए ।

बाँकी रहेको हिजोको संक्रमणकालका मुद्दाहरुलाई टुंग्याउने संवादहरु भइरहेको हुँदा अव शान्ति प्रक्रियाको अन्तिम निष्कर्ष तर्फ पुग्न लागेको उनले बताए ।

हिजो मात्रै पनि प्रधानमन्त्री तथा नेकपाका अध्यक्ष केपी शर्मा ओली र नेपाली कांग्रेसका सभापति शेर बहादुर देउवा, लगायत अन्य दलका नेताहरु,संविधान सभाका अध्यक्ष सुवास नेम्बाङ र आफूबिच संवाद भएको हुँदा अव चाँडै शान्ति प्रक्रियाका मुद्दाहरु टुंग्याउने उनको भनाई छ । अव वाँकी वर्षहरु विकाश निर्माण र समृद्धिका द्धुत गतिको प्रगतिको वर्षहरु हुने उनले विश्वास ब्यक्त गरे ।

मन्त्रीमण्डल हेरफेरको जिम्मा भने पार्टी अध्यक्ष प्रधानमन्त्री ओलीको हातमा रहेको हुँदा उनको इच्छा अनुरुप मन्त्रीमण्डल हेरफेर हुने उनले बताए ।

एक दिनसम्म चल्ने पार्टीको प्रशिक्षण पार्टीका महासचिव विष्णु पौडेल,नेकपा नेता तथा संविधान सभा अध्यक्ष सुवास नेम्बाङ,लगायत केन्द्रीय स्तरका नेताहरुले दिने कार्यक्रम तय भएको पार्टीका जिल्ला अध्यक्ष राजकुमार भण्डारीले जानकारी दिए।

नयाँ