- सुन चाँदी दर
- विनिमय दर
- नेपाली पात्रो
- राशिफल
कावासोती । नवलपुरको दुम्कौली स्थिीत चौधरी ग्रुपको सीजी शाश्वतधाम अगाडी मंगलबार दिउँसो आगलागी भएको छ । आगलागीबाट भएको क्षतीको बिवरण संकलन भईरहेको जिल्ला प्रहरी कार्यालय नवलपुरले जानकारी दिएको छ ।
प्रहरी नायव उपरिक्षक अर्जुन रानाभाटका अनुसार देबचुली नगरपालिका वडा नम्बर २ सीजी अगाडी स्थानीय तुलसी जैसीको बन्द रहेको मोटरसाईकल ग्यारेज र सोही ग्यारेजसँगै रहेको तुलसी चौधरीको किराना पसलमा आगलागी भएको हो ।
आगलागीबाट मानविय र चौपायाको क्षती भएको छैन । ग्यारेज र किराना पसलको सबै सामानहरु भने जलेर नष्ट भएको प्रहरी नायव उपरिक्षक रानाभाटले बताए ।
अचानक आगोलागी भएपछि प्रहरी , स्थानीयवासी र दमकलको सहयोगमा आगो नियन्त्रणमा लिईएको थियो । आगलागीको कारण खुल्न नसकेको र यस बिषयमा आवश्यक अनुसन्धान भईरहेको प्रहरी नायव उपरिक्षक रानाभाटले बताए।