कांग्रेस बैठक बहिष्कारपछि वरिष्ठ नेता पौडेललगायत नेताको भेला

प्रकाशित २०७६ मंसिर २७ शुक्रबार

काठमाडौँ । नेपाली कांग्रेसभित्र फेरि किचलो देखिएको छ । महाधिवेशनको मिति नजिकिँदै गर्दा सभापति शेरबहादुर देउवाले बहुमतको आधारमा निर्णयहरु गर्न खोजेपछि बरिष्ठ नेता रामचन्द्र पौडेल र नेता कृष्ण प्रसाद सिटौलाले समूहले बैठक बहिस्कार गरेका छन् ।

शीर्ष नेताहरुले बैठक बहिस्कार गरे पनि सभापति देउवाले कांग्रेस केन्द्रीय कार्यसमितिको बैठकमा विभिन्न निर्णय गराएका छन् । देउवाले केन्द्रीय कार्यसमितिको कार्यकाल कम्तिमा एक बर्ष बढाउने प्रस्ताव गर्दै तत्काल माधिवेशन नगर्ने तयारी गरेसँगै पोडेल र सिटौलाले बैठक बहिस्कार गरेका थिए ।

बैठक बहिस्कार गरे लगत्तै पौडेलले आफ्नै कार्यकक्षमा केन्द्रीय समितिका आफू निकट सदस्यहरुसंग छलफल गरेका छन् ।