काठमाडौं । प्रधानमन्त्री केपी शर्मा ओलीसँग प्रमुख विपक्षी दल नेपाली काँग्रेसका नेता शेरबहादुर देउवाले भेटवार्ता गरेका छन् ।
प्रधानमन्त्री एवं नेकपाका अध्यक्ष ओली अर्का अध्यक्ष पुष्पकमल दाहाल ‘प्रचण्ड’का साथ प्रधानमन्त्री निवासमा भएको भेटमा समसामयिक विषयमा विचारविमर्श भएको थियो ।
भेटबारे विस्तृत विवरण नदिए पनि उक्त भेट नियमित भएको प्रतिक्रिया प्रधानमन्त्रीका प्रेस सल्लाहकार सूर्य थापाले दिए ।
समाजवादी पार्टी नेपाल सरकारबाट बाहिरिएकै दिन मंगलबार विपक्षी दलका नेतासंग सत्तारुढ दलले भेट गर्नुलाई अर्थपूर्ण रुपले हेरिएको छ ।
सरकारको दुई तिहाई खोसिएको दिन भएको भेटलाई प्रधानमन्त्रीका प्रेस सल्लाहकारले नियमित भेट मात्र भनेका हुन् ।
