जवरजस्ती करणी गर्ने कानु र ज्यान मार्ने धुनिया पक्राउ
प्रकाशित २०७६ पुष २० आइतबार
394
Shares
पर्सा । जवरजस्ती करणी गरि फरार रहेका दिनेश प्रसाद साह कानुलाई प्रहरीले पक्राउ गरेको छ । ४५ बर्षिय कानुलाई जवरजस्ती करणीको ४ बर्षपछि पर्सा प्रहरीले पक्राउ गरेको हो ।
पर्सा जिल्ला अदालतले २०७२ साल माघ १८ गतेको कानुलाई ६ बर्ष ११ महिना १५ दिन कैद सजाय तोकेको थियो ।
छिपहरमाई गाउपालिका वडा नं ५ बस्ने दिनेश प्रसाद साह कानुलाई पर्सा कार्यालयबाट खटिएको प्रहरी टोलीले पौष १९ गते शनिबार गाउँघरमा लुकिछिपि बसी रहेको अबस्थामा फेला पारी नियन्त्रणमा लिएको प्रहरीले जनाएको छ ।
साथै प्रहरीको टोलिले कर्तव्य ज्यान मुद्दाका फरार प्रतिवादी दरौगा मिया धुनियालाई पनि पक्राउ गरेको छ । धुनियालाईलाई पर्सा जिल्ला अदालतले २०७६ जेठ १४ गते १० बर्ष कैद सजाय सुनाएको थियो ।
उनलाई पनि प्रहरीको टोलिले शनिबार गाउँघरमा लुकिछिपि बसी रहेको अबस्थामा फेला पारी नियन्त्रणमा लिएको प्रहरीले जनाएको छ ।
दुवैलाई जिल्ला अदालत बुझाइएको पर्सा प्रहरीले जनाएको छ ।
