- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेपाली कांग्रेसका केन्द्रीय सदस्य एवं प्रवक्ता विश्व प्रकाश शर्माले सरकारले पूरा नहुने काल्पनिक सपनाहरू बाँड्दा जनता निराश भएको बताएका छन् ।
नेपाल टेलिकम वर्कर्स युनियन काठमाडौं क्षेत्रीय समितिले आयोजना गरेको प्रशिक्षण कार्यक्रमको उदघाटन गर्दै उनले यस्तो विचार राखेका हुन् ।
शर्माले सरकार पानी जहाज र रेलको कुरा गर्ने तर जहाज र रेलमा चढ्ने नागरिकको आर्थिक स्तर माथि उठाउने कुरा बिर्सेकाले कांग्रेस अग्रसर हुनु पर्ने बताए ।
ट्रेड युनियन कांग्रेसका अध्यक्ष पुष्कर आचार्यले सरकार मात्र नभई राज्य संरचना नै श्रमिकलाई अप्ठ्यारो बनाउन लागिरहेकोले प्रतिपक्ष दल र ट्रेड युनियन चनाखो हुनु पर्ने बताए ।
दुई दिनसम्म चल्ने प्रशिक्षण काठमाडौ क्षेत्रीय समितिका अध्यक्ष अच्चुत ओझाको अध्यक्षतामा सम्पन्न भएको थियो ।