इराकमा तैनाथ नेपाली शान्ति सेनालाई सतर्क रहन निर्देशन
लेबनान र सिरियामा पनि सतर्कता अपनाइ निरन्तर सम्पर्कमा रहन नेपाली सेनाको आग्रह
प्रकाशित २०७६ पुष २४ बिहिबार
875
Shares
काठमाडौं । पछिल्लो राजनीतिक अस्थिरताले कुनै असर नपरोस् भन्नका लागि नेपाली सेनाले इराकमा शान्ति स्थापनाका लागि खटिएका नेपाली शान्ति सेनालाई सतर्क रहन निर्देशन दिएको छ ।
अमेरिका र इरान बीचको आपसी विवादले असर नपरोस् भन्दै नेपाली शान्ति सेनालाई आवश्यक सुरक्षा सतर्कता अपनाउन नेपाली सेनाले निर्देशन दिएको हो ।
सैनिक जनसम्पक निर्देशनालयले प्रेस विज्ञप्ति जारी गर्दे नेपाली शान्ति सेना हालसम्म सकुशल रहेको बताउँदै सतर्कतालाई निर्देशन दिएको बताएको हो ।
बुधबार इरानले अमेरिकी सेनाको बेस क्याम्पमा दर्जनौं मिसाइल आक्रमण भएपछि नेपाली सेनाले इराकको किरकुक र इरविलमा रहेका नेपाली शान्ति सैनिकलाई सतर्कता अपनाउन निर्देशन दिएको हो ।
शान्ति स्थापनाका लागि इराकमा तैनाथ नेपाली सेनाको गार्ड युनिट लगायत लेबनान र सिरियामा तैनाथ नेपाली सेनाका युनिटमा पनि विशेष सतर्कता अपनाउन समेत निर्देशन दिएको छ ।
साथै परिस्थितिको निरन्तर अनुगमन गर्न तथा मिशन हेडक्वार्टर र श्री शान्ति सेना संचालन निर्देशनालयसँग निरन्तर सम्पर्कमा रहन समेत निर्देशन दिएको छ ।
