- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेपालमा अहिले कुनै पनि प्रणाली सक्रिय नभएको भन्दै मौसम पूर्वानुमान महाशाखाले मौसम सफा रहेको बताएको छ ।
वरिष्ठ मौसमविद् राजु प्रधानांगले काठमाडौं उपत्यका लगायतका देशका अधिकांश भागमा मौसम सफा रहेको बताएका छन् ।
तर बिहान १० बजेसम्म पनि काठमाडौंको मुहार खुल्न अप्ठेरो भइरहेको थियो । बिहानको भिजिबिलिटी २ किलोमिटर रहेको थियो ।
तराईमा हुस्सु लागिरहेको छ । दिउँसोदेखि हुस्सु र कुहिरो हट्ने दावी प्रधानांगको छ । उच्च हिमाली भेगमा फाटफुट हिमपात भएको छ ।
प्रधानांगले भने, ‘बिहीबारसम्म पश्चिम न्यूनचापीय प्रणाली रहेकामा शुक्रबार त्यस्तो देखिँदैन । ७२ घण्टासम्म मौसम सफा रहने छ ।’
तापक्रम–
काठमाडौं उपत्यकाको बिहान न्यूनतम तापक्रम ६ डिग्री सेल्सियस रहेको थियो । डडेलधुराको न्यूनतम तापक्रम सबैभन्दा कम ०.१ डिग्री रहेको थियो ।
अधिकतम तापक्रम सबैभन्दा बढी सिमरामा २३ डिग्री सेल्सियस रहने जनाइएको छ । डडेलधुराको अधिकतम ४ देखि ६ डिग्रीसम्म रहने बताइएको छ ।