सात बर्षअघि बृद्धालाई करणी गरि पटुकाको पैसा चोरीको आरोप, २८ बर्षीय युवा पक्राउ

सात बर्षअघि बृद्धालाई करणी गरि पटुकाको पैसा चोरीको आरोप, २८ बर्षीय युवा पक्राउ

जितेन्द्र भण्डारी,

प्रकाशित २०७६ माघ ६ सोमबार

पाँचथर । प्रहरीले ७२ बर्षीया बृद्धालाई बलात्कार गरेको आरोपमा एक युवालाई पक्राउ गरेको छ । बृद्धा बलात्कार आरोपमा हिलिहाङ–७, सुभाङका २८ बर्षीय मनकुमार योञ्जन पक्राउ परेका हुन् ।

जिल्ला प्रहरी कार्यालयका पाँचथरका अनुसार योञ्जनमाथि सात बर्ष अघि श्रीमानको मृत्युपछि घरमा एक्लै बस्दै आएकी बृद्धलाई माघ ३ गते राती साँढे आठ बजे बलात्कार गरी नगद चोरी गरेको अभियोग लागेको छ ।

योञ्जनले राति बृद्धको घरभित्र प्रवेश गरी पटुकामा बेरेर राखेको १४ हजार ३४० रुपैंयाँ नगद, पुराना डलर पैसा राखेको थैली समेत चोरी गरी बलात्कार गरेको बृद्धाले आरोप लगाएकी छिन् । बृद्धाको जाहेरीको आधारमा योञ्जनलाई प्रहरीले पक्राउ गरेको हो ।