- सुन चाँदी दर
- विनिमय दर
- नेपाली पात्रो
- राशिफल
चितवन । नेपाली काँग्रेसको शुभेच्छुक संस्था नेपाल प्रेस युनियनको केन्द्रीय समितिको बैठक चितवनमा सुरु भएको छ ।
मंगलबार बिहान सुरु भएको बैठकले युनियनको नवौं महाधिवेशनको मिति र स्थान तोक्ने केन्द्रीय महासचिव अजयबाबु शिवाकोटीले जानकारी दिएका छन् ।
यसअघि मङ्सिरमा महाधिवेशन हुने भनिए पनि प्राविधिक कारण जनाउँदै महाधिवेशन टारिएको थियो ।
यसपटक भने जसरी पनि महाधिवेशन गर्ने गरी महासमिति अगाडि बढेको हो ।
बैठकमा प्रैस तथा अभिव्यक्ति स्वतन्त्रताको रक्षाका लागि पत्रकारसँग सम्बद्ध विभिन्न सङ्घसंस्थासँग सहकार्य गरेर अघि बढ्ने विषयमा पनि बैठकमा छलफल गरिने बताइएको छ ।
बैठकले प्रेस काउन्सिल विधेयकका सम्बन्धमा संगठन अझ सशक्त भएर सरकारी योजनाको भण्डाफोर रणनीतिसमेत बनाउने बताइएको छ ।