- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेपाली कांग्रेस जिल्ला कार्यसमिति, सप्तरीका सदस्य सरोजकुमार विराजीको मृत्यु भएको छ । ५८ वर्षीय विराजीको बुधबार सप्तरीको हनुमाननगर कङ्कालिनी नगरपालिका वडा नं. ४ स्थित आफ्नै निवासमा निधन भएको हो ।
उनी मस्तिष्कघातबाट पीडित थिए । उनको विराटनगर स्थित नोबेल अस्पतालमा उपचार गराउँदै आएको थियो । उनको श्रीमती, तीन छोरी र एक छोरा छन् ।
स्वर्गीय विराजी नेपाली कांग्रेस जिल्ला कार्यसमिति सप्तरीको तीन कार्यकाल जिल्ला सदस्य थिए । प्रजातन्त्र वहालीका लागि भएका आन्दोलनका क्रममा उनको हाँत समेत भाँच्चिएको थियो ।
विराजीले नेपालको लोकतान्त्रिक आन्दोलनहरुमा सक्रिय भूमिका निर्वाह गरेका थिए । उनको निधनप्रति नेपाली कांग्रेस गहिरो दुःख व्यक्त गरेको छ ।