-
-
-
-
धनुषा । धनुषामा बोलेरो पिकअपले ठक्कर दिदा मोटरसाइकलमा सवार श्रीमान श्रीमतिको घटनास्थलमै मृत्यु भएको छ ।
बुधबार दिउँसो धनुषाको गणेशमान चारनाथ नगरपालिका गोदारस्थित पूर्व–पश्चिम राजमार्ग सडकमा पश्चिमबाट पूर्वतर्फ गइरहेको वा ६४ प ३०४७ नम्बरको मोटरसाइकललाई विपरित दिशाबाट आइरहेको स. १ च. १८५८ नम्बरको बलेरो पिकअपले ठक्कर दिदा मोटरसाइकलमा सवार श्रीमान श्रीमतिको घटनास्थलमै मृत्यु भएको हो ।
मृत्यु हुनेमा धनुषा जिल्लाको गणेशमान चारनाथ नगरपालिका वडा नम्बर ७ शिवनगर पर्साही बस्ने बर्ष ५० को जोगिन्द साह र नीजको श्रीमति बर्ष ४० को प्रमिला साह रहेको ईलाका प्रहरी कार्यालय ढल्केवरले जानकारी दिएको छ ।
मृतकहरुको शवलाई पोष्टमार्टमका लागि प्रादेशिक अस्पताल जनकपुर पठाइएका प्रहरी स्रोतले जानकारी दिए।
