-
-
-
-
काठमाडौं । मौसममा सोमबार बिहान केही परिवर्तन भएको छ । काठमाडौं उपत्यकासहित तराई भेगमा मौसम सफा रहेको छ । काठमाडौंमा हल्का चिसो बढेको छ ।
आइतबार बिहानको न्यूनतम तापक्रम ५.८ डिग्री सेल्सियस रहे पनि सोमबार बिहान न्यूनतम तापक्रम ३.२ डिग्री सेल्सियस रहेको छ ।
मंगलबार यसमा अझै थपघट हुन सक्नेछ । मौसम पूवानुमान महाशाखाका मौसमविद् मीनकुमार अर्यालले बताए अनुसार पूर्वी र पश्चिमी पहाडी भेगमा सामान्य बदली भएको छ ।
हिमाली भेगमा सामान्य बदली भएको छ । हिमपातको सम्भावना भने कम रहेको छ । आंशिक बदली भनिए पनि घाम लाग्ने मौसमविद् अर्यालले बताए ।
तर मंगलबार भने वर्षाको सम्भावना रहेको छ । मध्य र पूर्वमा हल्का वर्षा हुन सक्नेछ । अन्य क्षेत्रमा भने त्यतिठूलो परिवर्तन नहुने अर्यालले बताए ।
हाल नेपालमा उल्लेखीनीय मौसमी प्रणाली छैन । आइतबार कुनै पनि स्थानमा वर्षा भएन ।
