- सुन चाँदी दर
- विनिमय दर
- नेपाली पात्रो
- राशिफल
धनुषा। मोबाइलको मेमोरीलाई लिएर चिन्तामणि पासवानको हत्या गरेको खुलेको छ। मेमोरी कार्डका विषयमा झगडा भएपछि धनुषामा परिवारकै सदस्य मिलेर चिन्तामणि पासवानको हत्या गरेको खुलेको हो ।
पासवान परिवारका चार जनालाई प्रहरीले पक्राउ गरेको छ । धनुषाको औरही गाउँपालिका–२ की २२ वर्षीया चिन्तामणि पासवानको उनकै परिवारका सदस्यहरुले हत्या गरेको प्रहरीले सोमबार पत्रकार सम्मेलनमा बताएको छ ।
पक्राउ पर्नेमा चिन्तामणिका ससूरा ५५ वर्षीय राधाकृष्ण पासवान, सासू ४५ वर्षीया कुमला पासवान, ३० वर्षीय श्रीमान अनिल कुमार पासवान र २० वर्षीय नन्द पुनिता पासवान रहेका छन् ।
गत माघ १८ गते शनिबार नन्द भाउजुबीच मोबाइलको मेमोरी कार्ड लेनदेन विषयमा विवाद हुँदा घाँटी थिची हत्याको गरेको प्रहरीको आरोप छ । प्रहरीकाअनुसार यही माघ १८ गते मोबाइलको ‘मेमोरी कार्ड’को विषयमा चिन्तामणिको नन्द पुनितासँग विवाद भएको थियो ।सोही विषयलाई लिएर श्रीमान् अनिल, ससुरा राधाकृष्ण र सासूले कुटपिट गरी बुहारी चिन्तामणिको घाँटी थिचेर हत्या गरेको प्रहरीले जानाएको छ ।
परिवारका सदस्यले अपराध लुकाउन मृतक झुण्डिएको हल्ला-खल्ला गरी जिउँदै रहेको भन्दै अटो रिक्सामा राखी उपचारका लागि प्रादेशिक अस्पतालमा लगेका थिए । त्यसपछि चिन्तामणिको हत्यापछि झुन्डिएर आत्महत्या गरेको भन्दै परिवार पक्षले हल्ला फैलाएको थियो ।
प्रादेशिक अस्पताल जनकपुरधाममा ‘पोस्टमार्टम’ गर्दा चिन्तामणिको घाँटी थिचेर हत्या गरे रिपोर्ट आएको प्रहरीले जनाएको छ । पक्राउ परेकाहरुमाथि प्रहरीले थप अनुसन्धान गरिरहेको छ ।