- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेपाल प्रेस युनियन काठमाडौंको नेतृत्व जगन्नाथ दुलालले सम्हाल्ने भएका छन् । मंगलबार भएको काठमाडौंको चुनावी अधिवेशनले दुलाललाई जिताएको हो ।
दुलालले २८५ मत ल्याउँदा प्रतिस्पर्धी महेश गौतमले १९३ मत पाए ।
अधिवेशनले अध्यक्षमा मात्र मतदान गराएको हो । काठमाडौंमा ८४३ मतदाता रहेकामा जम्मा ४७७ मत मात्र खसेको थियो ।
यता ललितपुरमा सोमबार भएको अधिवेशनले जानुका बरालको नेतृत्वमा सर्वसम्मत कार्यसमिति चयन गरेको छ । त्यस्तै केन्द्रीय पार्षद पनि सर्वसम्मत गरेको छ ।
गत माघ ७ गते चितवनमा बसेको प्रेस युनियनको केन्द्रीय कार्यसमितिको बैठकले आगामी चैत २१ र २२ गते नेपालगञ्जमा चुनावी महाधिवेशन गर्ने निर्णय गरेको थियो ।
उक्त निर्णय अनुसार माघ मसान्तसम्म सम्पूर्ण ठाउँको अधिवेशन सम्पन्न गर्न निर्देशन दिइएको थियो ।