नेपालको माथिल्लो वायुमण्डलमा पश्चिमी वायु, यस्तो छ मौसम
प्रकाशित २०७६ फागुन ६ मंगलबार
273
Shares
काठमाडौं । मौसम पूर्वानुमान महाशाखाकी वरिष्ठ मौसमविद् विभूति पोखरेलका अनुसार काठमाडौं उपत्यकामा आंशिक बदली रहेको छ ।
तराईका केही स्थानमा कुहिरोजस्तो देखिएको छ । यो दिउँसोसम्म पनि रहने बताइएको छ ।
पहाडी भेगमा पनि सामान्यदेखि आंशिक बदली देखिएको छ । हाल नेपालको माथिल्लो वायुमण्डलमा पश्चिमी वायु तथा पूर्वी भूभाग नजिक न्यून चापिय क्षेत्रको असर छ ।
काठमाडौं उपत्यकामा न्यूनतम तापक्रम ८.५ डिग्री सेल्सियस रहेको छ । भिजिबिलिटी बिहान २ किलोमिटर रहेको छ ।
दिउँसो देशका पहाडी भूभागमा आंशिकदेखि सामान्य बदली रही बाँकी भूभागमा मौसम सामान्यतया सफा रहने छ । पूर्वी पहाडी भूभागका एक(दुई स्थानमा हल्का वर्षाको सम्भावना रहेको छ ।
राती देशका पहाडी भूभागमा आंशिकदेखि सामान्य बदली रही बाँकी भूभागमा मौसम सामान्यतया सफा रहने छ। पूर्वी र मध्य पहाडी भूभागका एक(दुई स्थानमा हल्का वर्षाको सम्भावना रहेको छ ।
महाशाखाले आगामी २४ घण्टाका लागि कुनै चेतावनी दिएको छैन ।
यस्तो छ दुई दिन बुधबार र बिहीबारको पूर्वानुमान फागुन ७ गते (बुधबार)
दिउँसोः देशभर सामान्य बदली रहने छ। देशका पहाडी भूभागका थोरै स्थानहरुमा हल्का वर्षाको सम्भावना रहेको छ ।
रातीः देशभर सामान्य बदली रहने छ। देशका पहाडी भू(भागका थोरै स्थानहरुमा हल्का वर्षाको सम्भावना रहेको छ ।
फागुन ८ गते (बिहीबार)
दिउँसोः देशभर सामान्य बदली रही केहि स्थानहरुमा हल्का वर्षाको सम्भावना रहेको छ ।
रातीः देशभर सामान्य बदली रही केहि स्थानहरुमा हल्का वर्षाको सम्भावना रहेको छ ।
