- सुन चाँदी दर
- विनिमय दर
- नेपाली पात्रो
- राशिफल
काठमाडौं । शुक्रबार बिहानैदेखि देशभर समान्यदेखि पूर्ण बदली रहेको छ । पश्चिमका स्थानमा वर्षा भइरहेको छ । पश्चिमका केही स्थानमा चट्याङसहित वर्षा भइरहेको छ ।
उपत्यकामा दिउँसोपख वर्षा हुने सम्भावना छ । देशभर बदली रहने र पश्चिमबाटै शुक्रबार रातिदेखि मौसम सुधारिँदै जानेछ ।
उपत्यकाको न्यूनतम तापक्रम ९.६ डिग्री सेल्सियस रहेको थियो भने अधिकतम तापक्रम १९ डिग्रीसम्म रहने वरिष्ठ मौसमविद् राजु प्रधानांगले बताएका छन् ।
मौसम पूर्वानुमान महाशाखाका अनुसार हाल देशभर पश्चिमी न्युन चापिय प्रणालीको प्रभाव देखिएको हो । शुक्रबार पहाडी भूभागका थोरै स्थानहरुमा मेघ गर्जन र चट्याङ सहित वर्षा र उच्च पहाडी तथा हिमाली भूभागका केही स्थानहरुमा हल्का हिमपातको समेत सम्भावना रहेको देखिएको छ ।
महाशाखाले देशका पश्चिमी भेगका धेरै र मध्य तथा पूर्वी भूभागका केही स्थानहरुमा मेघ गर्जन र चट्याङ सहित वर्षाको सम्भावना रहेको पश्चिमी उच्च पहाडी तथा हिमाली भूभागका स्थानहरुमा हल्का हिमपातको सम्भावना रहेकोले सतर्कता अपनाउन अनुरोध गरेको छ ।
शनिबार र आइतबारको मौसम पूर्वानुमान
फागुन १० गते शनिबार
दिउँसोः देशभर आँशिक देखि सामान्य बदली रही मध्य तथा पूर्वी भूभागका थोरै स्थानहरु र पश्चिमी पहाडका एक दुई स्थानमा हल्का वर्षाको सम्भावना रहेको छ ।
उच्च पहाडी तथा हिमाली भूभागका केही स्थानहरुमा हल्का हिमपातको सम्भावना रहेको देखिन्छ ।
रातीः पहाडी भेगमा आँशिक बदली रही बाँकि भेगको मौसम सामान्यतया सफा रहने छ ।
फागुन ११ गते आईतबार
दिउँसोः देशभर आँशिकदेखि सामान्य बदली रहनेछ।
रातीः देशभर आँशिक देखि सामान्य बदली रहनेछ।