- सुन चाँदी दर
- विनिमय दर
- नेपाली पात्रो
- राशिफल
काठमाडौं । देशभर अहिले प्रिमनसुनको अवस्था देखिएको छ । वरिष्ठ मौसमविद् विभूति पोखरेलका अनुसार पश्चिमी भूभागमा सामान्यदेखि पूर्ण बदली भएको छ । केही स्थानमा वर्षा पनि भएको छ । मेघगर्जन, चट्याङ र असिना आएको छ ।
मंगलबार पनि काठमाडौं लगायत देशभरका विभिन्न स्थानमा वर्षा हुनेछ । प्रिमनसुनको संकेत आउन थालेको पोखरेलको भनाइ छ । जाडो सकिएपछि प्रिमनसुन सुरु हुने भन्दै पोखरेलले पश्चिमी वायुको प्रभाव रहेकाले हावाहुरी पनि बढ्दै जाने बताइन् ।
हावाहुरी एकैछिन पर्ने भए पनि सचेत हुनुपर्ने देखिएको छ ।
उपत्यकामा बिहानको तापक्रम ८ डिग्री सेल्सियस तथा भिजिबिलिटी ३ किलोमिटर रहेको छ ।
मौसम पूर्वानुमान महाशाखाका अनुसार हाल देशमा पूर्वी तथा पश्चिमी भूभाग नजिक बनेको न्युन चापिय प्रणाली तथा पश्चिमी वायुको प्रभाव रहेको छ ।
महाशाखाले देशका मध्य तथा पूर्वी भूभाग साथै पश्चिमी पहाडी भूभागका केही स्थानहरुमा मेघ गर्जन र चट्याङ सहित वर्षाको सम्भावना रहेको साथै उच्च पहाडी तथा हिमाली भूभागका थोरै स्थानहरुमा हल्का हिमपातको सम्भावना रहेकोले सतर्कता अपनाउन अनुरोध गरेको छ ।
धनकुटामा सोमबार सबैभन्दा बढी १७ मिलिमिटर वर्षा भएको थियो ।
बुधबार र बिहीबारको मौसम पूर्वानुमान
फागुन १४ गते बुधबार
दिउँसोः देशको पहाडी भेगमा आँशिकदेखि सामान्य बदली रहने छ । देशका पहाडी भेगका थोरै स्थानहरुमा मेघ गर्जन र चट्याङ सहित वर्षाको सम्भावना रहेको छ ।
रातीः देशको पहाडी भेगमा आंशिकदेखि सामान्य बदली रहनेछ । देशका पहाडी भेगका थोरै स्थानहरुमा मेघ गर्जन र चट्याङ सहित वर्षाको सम्भावना रहेको छ ।
फागुन १५ गते बिहीबार
दिउँसोः देशको पहाडी भेगमा आँशिक बदली रहनेछ साथै पूर्वी पहाडी भेगका एक दुई स्थानहरुमा मेघ गर्जन र चट्याङसहित हल्का वर्षाको सम्भावना रहेको छ ।
रातीः देशको पहाडी भेगमा आँशिक बदली रहनेछ साथै पूर्वि पहाडी भेगका एक दुई स्थानहरुमा मेघ गर्जन र चट्याङ सहित हल्का वर्षाको सम्भावना रहेको छ ।