- सुन चाँदी दर
- विनिमय दर
- नेपाली पात्रो
- राशिफल
काठमाडौँ । प्रधानमन्त्री केपी शर्मा ओली अस्पतालमा भर्ना भएका छन् । उनको मुटुको चाल बढेपछि बिहीबार राति नै भर्ना गरिएको हो ।
त्रिवि शिक्षण अस्पताल महाराजगञ्जस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा उनी भर्ना भएका हुन् ।
प्रधानमन्त्रीकी निजी चिकित्सक प्राडा दिव्यसिंह शाहका अनुसार ओलीलाई अब्जर्भेसनमा राखिएको छ । उनको स्वास्थ्य अवस्था अहिले सामान्य रहेको उनले बताइन् ।
कोरोना भाइरसको जोखिम भएका बेलामा थप कुनै रोग नलागोस् भनी अस्पतालमा भर्ना गरिएको बुझिएको छ ।
ओलीलाई शुक्रबार बिहानै डिस्चार्ज गरी प्रधानमन्त्री निवास बालुवाटार लैजाने पनि डा शाहले बताइन् ।
फागुन २१ गते दोस्रो पटक मिर्गौला प्रत्यारोपण गरिएका ओली ३० गते अस्पतालबाट डिस्चार्ज भएका थिए ।
उनी अस्पताल भर्ना भए पनि औपचारिक रुपमा भने जानकारी गराइएको छैन । प्रधानमन्त्रीका प्रेस सल्लाहकार सूर्य थापाले समेत यसबारे जानकारी गराएका छैनन् ।
उनले सामाजिक संजाल मार्फत जानकारी दिँदै गरेको हाम्राकुरालाई बताए ।