- सुन चाँदी दर
- विनिमय दर
- नेपाली पात्रो
- राशिफल
काठमाडौं । मौसम पूर्वानुमान महाशाखाका अनुसार हाल नेपालमा पश्चिमी वायुको आंशिक प्रभाव रहेको छ । हाल देशको पश्चिमी पहाडी भूभागमा आंशिकदेखि सामान्य बदली रही बाँकी भूभागमा मौसम सामान्यतया सफा रहेको छ ।
वरिष्ठ मौसमविद् विभूति पोखरेलका अनुसार काठमाडौं समान्यतया सफा छ । पश्चिम र पूर्वका पहाडी क्षेत्रमा आंशिक बदली रहेको छ ।
दिउँसो पहाडी र पूर्वका भूभागमा आंशिक बदली रहने छ । बेलुकी पहाडी भूभागमा आंशिक बदली रहने छ ।
मंगलबार पश्चिमी वायूका कारण हिमालमा हिमपात हुन सक्ने स्थिति रहेको छ ।
काठमाडौंको न्यूनतम तापक्रम १० डिग्री सेल्सियस रहेको छ भने भिजिबिलिटी ६ किलोमिटर रहेको छ । अधिकतम तापक्रम २९ देखि ३१ डिग्रीसम्म हुन सक्नेछ ।
काठमाडौंमा एकाएक गर्मी बढेको छ । आइतबार अधिकतम तापक्रम २९.९ डिग्री रहेको थियो ।
गर्मी बढ्दा मौसम ठीकठाक रहेको हो । हावाहुरी भने बढिरहेको छ । आइतबार सबैभन्दा बढी जनकपुरमा ३४ डिग्री सेल्सियस तापक्रम रहेको थियो । विराटनगरमा ३३.६, भैरहवामा ३३.४, धरानमा ३२.४, सिमरामा ३२.२ तापक्रम थियो ।
न्यूनतम जुम्लामा १.५ डिग्री रहेको थियो । न्यूनतममा अधिकतम भने विराटनगरमा २०.६ डिग्री रहेको थियो ।
यस्तो छ मंगलबार र बुधबारको पूर्वानुमान
चैत्र १८ गते मंगलबार
दिउँसोः देशको पश्चिमी पहाडी भूभागमा आंशिक बदली रही बाँकी भूभागमा मौसम सामान्यतया सफा हुने देखिन्छ।
रातीः देशको पश्चिमी भूभागमा सामान्य बदली रहने र मध्य र पुर्वका पहाडी भूभागमा आंशिक बदली रही बाँकी भूभागमा मौसम सामान्यतया सफा हुने देखिन्छ।
पश्चिमी भूभागका थोरै स्थानहरुमा र मध्य र पूर्वका पहाडी भूभागका एक दुइ स्थानमा मेघ गर्जन र हावाहुरि सहित बर्षा हुन सक्ने देखीएको छ। हिमाली भूभागका केहि स्थानमा हल्का हिमपातको सम्भावना रहेको छ ।
चैत्र १९ गते (बुधबार)
दिउँसोः देशभर आंशिकदेखि सामान्य बदली रही पश्चिमी पहाडी भूभागका एक र दुई स्थानमा र मध्य र पूर्वका थोरै स्थानमा मेघ गर्जनसहित वर्षाको सम्भावना रहेको छ । हिमाली भूभागका केहि स्थानमा हल्का हिमपातको सम्भावना रहेको छ ।
रातीः देशभर आंशिकदेखि सामान्य बदली रही पहाडी भू(भागका एक–दुई स्थानमा मेघ गर्जन र हावाहुरि सहित वर्षाको सम्भावना रहेको छ । हिमाली भूभागका थोरै स्थानमा हल्का हिमपातको सम्भावना रहेको छ ।