काठमाडौं । सरकारले जारी गरेको राखेको लकडाउनको सोमबार सातौं दिन हो । लकडाउनका कारण काठमाडौं उपत्यकामा सवारी न्यून चलेका छन् ।
महानगरिय ट्राफिक प्रहरी महाशाखाकी प्रहरी निरीक्षक मनिषा बुढाथोकीका अनुसार न्यूनमात्रामा सवारी चलेका छन् ।
बिहान ५ बजेदेखि बिना पासका थुप्रैलाई नियन्त्रणमा लिइएको छ । कुनै गम्भीर प्रकृतिको सवारी दुर्घटना नभएको उनले बताइन् ।
आइतबार राति ११ बजेसम्म २४३ वटा सवारी साधनलाई नियन्त्रणमा लिइएको थियो ।
गएको मंगलबार ११ गते चैतदेखि जारी रहेको लकडाउनका समयमा कुनै अप्रिय घटना नभएको प्रहरी नायव निरीक्षक प्रेम श्रेष्ठले बताए ।
काठमाडौं उपत्यकामा कुनै अप्रिय घटना भएको छैन । जघन्य अपराध केही नभएको उनले बताए ।
लकडाउनका समयमा सोमबार बिहान उल्लंघन गर्ने काठमाडौंबाट २०८, ललितपुरबाट ८५ जनालाई होल्ड गरिएको छ । प्रारम्भिक चरणमा ३ घण्टा सोही स्थानमै होल्ड गर्ने गरिएको छ ।
त्यस्तै बिहान ७ बजेसम्म ४ सय ३८ जनालाई नियन्त्रणमा लिइएको छ ।
भक्तपुरबाट भने २ जनालाई झैझगडा गरेकालाई नियन्त्रणमा लिइएको छ । त्यस्तै काठमाडौंमा १ जनालाई नियन्त्रणमा लिइएको छ ।
