- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेपाली कांग्रेसका नेता तथा पूर्व मन्त्री नविन्द्रराज जोशीले कालीमाटी तरकारी बजारमा देखिएको भीडले आत्तिनुपर्ने स्थिति सिर्जना भएको बताएका छन् ।
उनले कालीमाटी बजारमा एकै पटकमा १००–२०० को संख्यामा तछाडमछाड देखिएको भन्दै यसबाट स्थानीयहरु बढी आक्रोशित र आतंकित हुनु स्वभाविक भएको बताए ।
उनले कोरोना भाइरसको संक्रमणको त्रास बढिरहेका बेलामा भएको यस्तो भीडले राम्रो संकेत नगरेको भन्दै चार वटा सुझाव दिएका छन् ।
उनले बिहीबार बिहानैबाट कार्यान्वयनका निम्ति सबैमा आग्रह सहित सरकार समक्ष माग गरेका छन् ।
ती यस्ता छन्–
१, तरकारी बजारलाई दुई भागमा विभाजित गरेर एक पटकमा २५ जना पठाउने दूरी कायम गर्ने ।
२, तरकारी विक्रेताहरुले पञ्जा र माक्स अनिवार्य रुपमा लगाउने र स्यानिटाइज गर्ने ।
३, तरकारी किन्न जानेहरुले पनि पञ्जा, माक्स र स्यानिटाइज गर्ने ।
४, तरकारी बजार व्यवस्थापन समितिले ट्याङ्कीमा पानी, साबुन र स्यानिटाइजको व्यवस्था गर्ने र समदूरीका निम्ति रेखा कोर्ने ।