काठमाडौं, धादिङ र धनुषामा थपिए कोरोना भाइरस संक्रमित

प्रकाशित २०७७ जेठ २ शुक्रबार

काठमाडौं । नेपालमा कोरोना भाइरस (कोभिड–१९) को सङ्क्रमण हुनेहरु तीन जना थपिएका छन् । स्वास्थ्य तथा जनसङ्ख्या मन्त्रालयका सहप्रवक्ता डा समिरकुमार अधिकारीले राष्ट्रिय जनस्वास्थ्य प्रयोगशाला काठमाडौँमा गरिएको परीक्षणमा नयाँ तीन जनामा सङ्क्रमण देखिएको बताए ।

संक्रमितहरुमा काठमाडौँ दहचोक निवासी सात वर्षीय बालक, धनुषाको जनकपुर उपमहानगरपालिका निवासी १७ वर्षीया महिला र धादिङ निवासी ३० वर्षीया महिला रहेका छन् ।

योसँगै सङ्क्रमितको सङ्ख्या २४९ पुगेको छ । यसअघि बिहीबार बिहान दुई जनामा सङ्क्रमण देखिएको थियो । बिहीबार मात्र पाँच जना नयाँ सङ्क्रमित भेटिएका हुन् ।