अख्तियार प्रमुख घिमिरेको कार्यकाल यसकारण सफल – रामहरि खतिवडा
हाम्रा कुरा
प्रकाशित २०७७ भदौ ३० मंगलबार
597
Shares
काठमाडौं । नेपाली कांग्रेसका नेता तथा पूर्व सांसद रामहरि खतिवडाले अख्तियार दुरुपयोग अनुसन्धान आयोगका प्रमुख आयुक्त नवीन घिमिरेको दुई वर्षे कार्यकाल सफल भएको बताएका छन् ।
व्यङ्ग्य गर्दै उनले सामाजिक संजालमा घिमिरेको दुई बर्षको कार्यकालमा आफ्नो जिम्मेवारीमा पुर्ण रुपमा सफल भएको बताएका हुन् ।
उनले भनेका छन्, ‘उनलाई २ जिम्मेवारी थियो । बालुवाटार जग्गा प्रकरणमा नेकपा नेता माधब नेपाल र बिष्णु पौडेललाई जोगाउनु । अरुलाई फसाउनु । दोश्रो आयल निगम जग्गा प्रकरणमा नेकपाका नेता र बिचौलियालाइ बचाउनु । दुबैमा सफल ।’
घिमिरेको गत सोमबार कार्यकाल सकिएको छ । उनले कुनै पनि राम्रा काम नगरेको आरोप लाग्ने गरेको छ ।
राष्ट्रिय मुद्धाका विषयलाई पन्छाएर उनले जसले नियुक्त गरे तिनै नियुक्त गर्नेहरुका मात्र काम गरेको आरोप उनलाई लागेको छ ।
